تواصل معنا من خلال
الدعم الفني ٢٤/٧ متواجدون

أسرار في google adsence

أسرار في google adsence

اكيد كلكم بتعرفو جوجل ادسنس google adsence

—————————————————

, و الخدمات الي بتقدمها جوجل ادسنس لاصحاب المواقع , قنوات اليوتيوب و التطبيقات في الربح , للي ما بعرف ادسنس هي عبارة عن خدمة من خدمات جوجل بتمكن اصحاب المواقع , قنوات اليوتيوب او التطبيقات من عرض اعلانات معينة , بحيث هاي الاعلانات يكسب منها الي حطها ..

هسة من المعروف سياسة جول ادسنس عشان تقبل حسابك الي عملتو لازم يكون موقعك نشيط بشكل كبير + محتواه حصري بالكامل مع كمشة قوانين و شروط الي قليل من اصحاب الموقع بكونو مطبقينها كاملة و بتوافق عليهم جوجل , بس احنا هون ب ما عنا هاذ الحكي
في طريقة مخفية و شرعية بالكامل من جوجل بتمكنك تعمل حساب جوجل ادسنس بنسبة قبول 99% !!
اه 99% , يعني انت هسة قاعد بتقدر خلال يومين يكون عندك حساب ادسنس كامل باسمك و كامل معلوماتك , تبدا شغلك باليوتيوب او الموقع او التطبيق و تبدا تكسب منه
هسة طريقة انشاء حساب عادي هي انك تدخل على
www.google.com/adsense
و تعمل ساين اب بحسابك على gmail بدون اي مشاكل , الطريقة هاي بنصح الي عندهم موقع ضخم بيجيه زوار من جوجل بتعدو ال 20-50 الف يوميا , مع مواضيع حصرية بالكامل بدون كوبي و بيست او اي شي , و بعد ما قرأ شروط ادسنس المملة الي بتدقق على كل شي صغير قبل كبير يعملها , بس الي زي حالنا مساكين يلا يلا نجيب 1000 زائر شو نسوي ؟!

الطريقة هي عبارة عن انك تطلب حساب ادسنس عن طريق يوتيوب , كيف عن طريق يوتيوب ؟!
انت هسة بس تعمل قناة جديدة على حسابك باليوتيوب , يوتيوب بعطوك خيار تبلش منو ربح من خلال الفيديوهات الي بتربحها , الارباح الي بتحصلها راح يرسلوها على حسابك في ادسنس , طب انت ما عندك حساب شو تعمل ؟
بتروح على الربح من حسابك بيوتيوب , بتفعل خيار الربح من خلال يوتيوب و بعطوك خيار انك تربط حساب ادسنس او تعمل واحد , بنختار انه بدنا نعمل حساب جديد على ادسنس و بنعبي المعلومات <الحقيقية> بالكامل
بعد ما نعبيهم بقلك شكرا لتقديم الطلب و انه حاليا قيد المراجعة , تقريبا طلب ادسنس عشان يتم معالجته بدو من 24 ل 72 ساعة
هسة راح يجي واحد يحكيلي طيب الحساب من خلال يوتيوب حيكون مستضاف مش عادي ؟! , هون بنقلو شو يعني مستضاف
مستضاف يعني ما بتقدر تعرض اعلاناتك الا على يوتيوب , طيب انا بدي اعرضها على موقعي او تطبيقي شو الحل ؟! بنقلك كمل قراءة
بعد ما يوافقو ادسنس على الحساب بكون في فوق باللون الاحمر كلمة hosted account او حساب مستضاف , طيب احنا بدنا نتخلص من المستضاف و نخليه عادي , نعرض اعلاناتنا على اي اشي بالدنيا
هسة بيجي دورنا احنا بتحويل الاكاونت , طريقة تحويل الاكاونت سهلة جدا و عادية ابدا , الطريقة هاي بتنباع على خمسات ب 15 و 20$ , صارت بين ايديكم مجانا ملكش_حجة‬
اول شي بنروح على موقع hitleap تبع الزيارات , الموقع هاذ بعطيك زيارات لموقعك عن طريق مجموعة دقائق انت بتجمعها لما تتفرج على اعلانات الناس الثانين , طريقة تجميع النقاط سهلة جدا كل العليك انك تروح و تعمل اكاونت بعدها تنزل التطبيق تبع الموقع , تدخل بمعلوماتك و راح يبدا عداد الدقايق يشتغل , سيب الكمبيوتر شغال و هو بجمع لحالو
بعد ما نجمع الدقايق , بنروح على بلوجر , و هون بلوجر مهم بالعملية لانو جوجل بتتساهل كثير مع مدونات بلوجر , بنعمل مدونة جديدة و بنحط اي قالب موجود على الانترنت في المدونة , ان شاء الله راح ارفق شرح عمل مدونة + كيف تحط القالب عليها
بعد ما نعمل المدونة , بننشر فيها موضوعين ثلاث عاديات و لو كتبتهم انت بكون احسن , اي 3 موضوعات بتخطر على بالك بالدنيا عادي
بعد ما نخلص من المدونة , بنرجع على حساب ادسنس و بنروح على الاعلانات و بنعمل انشاء شفرة اعلانية جديدة , و بنروح نحطها في المدونة الي عملناها , ان شاء الله راح ارفق شرح كيف تنشئ اعلان و تحطو بالمدونة
هسة راح يطلعلنا من جوجل انه حسابنا مستضاف و انه احنا حاطين اعلاناتنا على موقع مش مدعوم بالحساب , يعني ممنوع نحط عليه الاعلان , في خيار صغير بكون كاتبلك بما معناه انه حط موقعك عشان تحول حسابك
نكبس عليه و ندخل نحط رابط المدونة الي عملناها و نكبس سبمايت , بحكيلك انه المدونة قيد المراجعة حاليا من قبل ادسنس ,هون بيجي دور الدقايق الي جمعناها
بنروح على hitleap و بنعمل اضافة لموقع , بنجيب رابط المدونة – و اهم اشي اهم اشي يكون معمولو تحويل من جوجل – يعني الرابط محول من جوجل , بحيث لما الزائر يدخل عليه يوهم ادسنس انه هذول الناس داخلين من جوجل مش من موقع زيارات عادي
كيف بنجيب رابط المدونة محول من جوجل طيب ؟! , روح على جوجل و اكتب كلمة site: بعدها رابط المدونة تبعتك , بطلعلك المدونة تبعتك اول نتيجة , خذ الرابط و حطه بالموقع تبع الزيارات و اعمل الاعداد انه يقعد بالمدونة 10 ثواني بس , و اعمل ليميت لعدد الزوار على 100 بس
بعد ما تعمل هيك استنى ابو ساعة بكونو الزيارات وصلو ال 100 تمام , استنى كمان ساعة و اعمل كمان 100 ثانين , بس يخلصو استنا ساعتين ثلاث و اعمل كمان 100 , بعدها قبل ما تنام اعمل كمان 100
ثاني يوم الصبح ادخل على ايميلك , اذا لقيت رسالة بتقلك مبروك تم تحويل حسابك و الموافقة على طلبك بنقلك مبروك حسابك صار عادي
ما لقيت الرسالة عادي , كرر الخطوات الفوق على فترات عشوائية , باذن الله يومين او ثلاث بكون الحساب تحول

الطريق الموجودة فوق استخدمتها لعدد كبير من الحسابات و الحمد لله زبطت بكل الحسابات و هيها شغالة بدون اي مشكلة

ان شاء الله في شرح جزء ثاني عن بعد ما تعمل الاكاونت و تجمع فلوس شو تسوي

Related Post

LAYOUT

SAMPLE COLOR

Please read our documentation file to know how to change colors as you want

BACKGROUND COLOR

BACKGROUND TEXTURE